ကျနော် အိပ်မပျော်ခဲ့သော ညများ

by - January 02, 2020


ည (၁)

" ကိုကို .. မအိပ်သေးဘူးလား "

" အင်း .. အိပ်တော့မှာ "

" ဘာလို့လဲ ချစ်လိုင်းပေါ် တက်လာလို့ အိပ်တော့မယ် ပြောတာလား "

" ဟင် " (သူပဲ မေးပြီးတော့ )

" တခြားသူနဲ့ ပြောလို့ ဝတော့ အိပ်တော့မယ်ပေါ့ "

" အာ့ဆို မအိပ်သေးဘူး "

" ရပါတယ် ကို့သဘော ကို့သဘော အိပ်ချင်အိပ် "
-----------------------
ည (၂)

" ဘာလုပ်နေတာလဲ ကိုကို ... အိပ်တော့လေ  "

" ဟင့်အင်း ချစ်တုံးနဲ့ စကား ပြောအုံးမယ်လေ "

" ဟုတ်လို့လား အရင် ညတွေဆို ဒီလိုအချိန် အိပ်ပါပြီ "

" အွန့် .. ခုကမှ မအိပ်ချင်တာ "

" ဘယ်သူနဲ့ ချိန်းထားလို့လဲ "

" ဟယ် .. သောက်ကျိုးနဲ "

" အင်းပါ .. မအိပ်နဲ့ ... ကို့သဘော ကို့သဘော "
--------------------------
ည(၃)

" ကလင် ကလင် ကလင် ကလင် "

" ဟဲလို "

" ဟင်.. ကိုကိုက အိပ်နေပြီပေါ့ "

" ဟုတ်တယ်ချစ် "
(အွန်လိုင်းမှ မသုံးရဲတာ )

" အင်းပါ .. စကားမပြောချင်မှန်း သိပါတယ်
ကို့သဘောပဲ ဆက်အိပ် "

" ငှယ် "
-------------------------
ည (၄)

ထွင်း ! ( မက်ဆေ့ )

" ကိုကို အိပ်နေတယ် ထင်လို့ ဖုန်းမခေါ်တော့ဘူး "

" မအိပ်သေးဝူး ချစ်
လိုင်းလည်း မသုံဝူး အိပ်လည်း အိပ်ဝူး
ချစ်ငြိုညင်မှာ စိုးလို့ ငုတ်ထုတ် ထိုင်နေတာ "

" အင်း "

" ကိုကို ဖုန်းခေါ်လိုက်ရ မလား "

" ဟင့်အင်း မခေါ်နဲ့တော့ ချစ် အိပ်တော့မယ် "

" ငင် "

" ကိုကို ဆက်ထိုင်ချင် ထိုင်နေလေနော် ... ကို့သဘော ကို့သဘော "
-----------------------
ည(၅)

" အချစ်ဆုံးရေ ..
ဒီညတော့ ကိုကိုအိပ်တော့ဘူးနော် ..
ချစ်စိတ်တိုင်းကျ ဖြစ်ရအောင် နေ့လည်က တနေကုန် အိပ်ထား လိုက်တယ်
ကော်ဖီတွေလည်း သောက်ထားတယ်
လဖက်သုပ်လည်း သုံးပန်းကန် ကုန်ပြီ
မျက်စိလည်း ကြောင်သွားပြီ ..
ဒါကြောင့်မို့ ကိုကို အိပ်ပျော်မယ် မထင်ဘူး အာ့ ပြောပြထားတာ "

" အင်းပါ ... ကို့သဘော "

" ဪ.. အေး "

အံ့သြဘ !

😁😁😁
စိန်သောင်း

You May Also Like

0 comments