မပေါင်းရဘူး

by - December 29, 2019


" ကိုကို "

" ပြော ... သဲလေး "

" ကိုကို နဲ့ သဲ ပေါင်းရမှာ မဟုတ်ဘူး "

" ကောင်းတာပေါ့ (အဲလေ)
ဘာဖြစ်လို့ မပေါင်းရတာလဲ သဲရယ် "

" ကိုကိုက အလုပ်တွေ ကြိုးစားတယ်လေ "

" အင်းလေ ... သဲနဲ့နီးဖို့ ကြိုးစားတာလေ "

" ဟင့်အင်း ဟင့်အင်း .. ကိုကိုက အလုပ်ကြိုးစား၊ ကြိုးစားတော့ ချမ်းသာ ၊ မိန်းမတွေက သမက် ဖမ်းပီးပေးစား ၊ သဲက အသည်းကွဲ ၊ လေလွင့် ၊ အဲ့မှာတင် စိုင်းစိုင်းခမ်းလှိုင်နဲ့ ညား ၊ တွေ့လား?? မပေါင်းရပါဘူး ဆို "

" တိန် .... အဲ့လို မဟုတ်ပါဘူး သဲရယ် ...
ကိုကိုက ဘယ်သူ့မှ မယူပါဘူး "

" ဟုတ်တယ်၊ ကိုကိုက မယူဘူး၊ ကိုကို့ မေမေက သဘောမတူ ၊ ကိုကိုကလည်း သဲကိုပဲ ချစ် ၊ အဲ့မှာတင် ကိုကို့ မေမေက နှလုံးရောဂါဖြစ်၊ ကိုကိုက သဲကို လမ်းခွဲရ၊ သဲက ရင်ကွဲနာကျ ၊ ဖေးမပေးတဲ့ ရွှေထူးနဲ့ညား .. ကြည့် ... မညားပါဘူးဆို "

" ငင့်!!! ဟုတ်တယ်ဟ "

" အဲ့လို မဟုတ်ရင် ကိုကိုက အလုပ်လုပ်တာ တော်လို့ ၊ နိုင်ငံခြားကို သွားရ ၊ အဲ့မှာတင် Crush ခွက်ရှ်ကိုတွေ့ ၊ ကြိုက်ပီးညား ၊ သဲကိုဖြတ် .. သဲကစိတ်နာနာနဲ့ အောင်ရဲလင်းနဲ့ ညား "

" ငှယ် .... သူညားတာလည်း မင်းသားတွေ ချည်း "

" ဒါက စကားအဖြစ် ပြောတာပါ၊ တကယ်က ကိုကိုက ပြောင်းလဲသွားမှာ "

" တော်ပါပီသဲရယ် ၊ ကိုကို အလုပ် မလုပ်တော့ဘူး ၊ ကျောင်းဆရာပဲ လုပ်စားတော့မယ် .. နော် " 😁

" သိတယ် သိတယ်၊ ကျောင်းဆရာ လုပ်မယ်၊ ကျောင်းဆရာ ဆိုတော့ နယ်ကိုသွား၊ ကလေးတွေ စာသင်၊ ကလေးတွေ မှာက အမတွေ အဒေါ်တွေရှိ ၊ သူတို့က ကျေးဇူးတွေတင် ၊ သံယောဇဉ်တွေဖြစ်၊ ညား၊ အဲ့ရွာမှာ အခြေချ ၊ သဲကိုမေ့သွား၊ သဲက ဝမ်းနည်း ပက်လက်နဲ့ X-Box နဲ့ ညား "

" ငင်!! အာ့လည်း မရဘူးဟ "

" တော်ပြီ သဲရယ်၊ ဆိုက်ကားပဲ နင်းစားတော့မယ် "

" နင်းလေ၊ နင်းပေါ့၊ ကိုကိုက ဆိုက်ကားနင်း၊ ကိုယ်ပိုင်ကားက ဝင်တိုက် ၊ ကားမောင်းလာတာက ကိုကို ငယ်ရည်းစား ၊ ပြန်တွေ့ကျ ၊ ဟိုကောင်မက ဂရုဏာသက်ပြီး ချစ်၊ ကိုကိုကလည်း ပြန်ချစ်၊ အဲ့မှာညား၊ သဲက စိတ်ဆင်းရဲပြီး ကိုရီးယားကိုသွား ဂူဂျွန်ဖြိုးနဲ့ညား "

" တော်လိုက်တော့ ... မင့်ဟာက ငါကချည်း ဖောက်ပြန် မင်းကတော့ အဖြူ သက်သက်လို ပုံစံတွေ ပြောနေတာ "

" အော် .... ငါ့ကို အော်တယ်လား ?? အေးလေ .... အဲ့ဒီမှာ ငါ့ကိုအော် ၊ စိတ်ကုန်တယ် ဆိုပြီး ဘီယာသောက် ၊ KTV သွား ... ဟိုက ကောင်မတွေနဲ့ကြိုက် ... ဘဝပျက်၊ ငါက စိတ်နာပြီး ခရီးသွား ... ဟော .... ထက်ယံ နဲ့ညား "

" ငှယ် .... ငိုပြီ အမေရေ... ငိုပြီဗျ "

" ငိုလေ ... ငို .............. ငိုတော့ ...... #@#$#% "

" ........... "

" ................. ... ...... ညား !!! "

" ..... ............. "

" ...... "

" ကဲကဲ .... တော်တော့ကွာ ... လာ ... အချဉ်သုပ် သွားစားရအောင် "

" နင့်အကြံ ဒါပဲလား ?? ငါ့ကို အချဉ်တွေ ကျွေး၊ ငါက ငါးဖောင်ရိုးဖြစ်လာ "

" သွယ်တယ် လုပ်စမ်းပါ "

" တိတ်စမ်း၊ မသွယ်ဘူး ပိန်လာတာ ၊ အဲ့မှာတင် နင်က စိတ်ကုန် ၊ ဝက်မနဲ့ ညား ၊ ငါကစိတ်နာ အရမ် းလှလာ ..... အဲ့မှာတင် ဘန်နီဖြိုးနဲ့ညား "

" အေး ... ပြီးတာပဲ ၊ အဲ့လိုဆို သဲက ကိုကို့ကို ရစ် ၊ ကိုကိုက အော်မိ ၊ သဲကစိတ်ဆိုး၊ ကိုကို့ကို ဖြတ် ၊ကိုကိုက အသည်းကွဲ ၊ လေလွင့် .... အဲ့မှာတင် လုလုအောင်နဲ့ ညား "

" မသာ ... မယွနဲ့ ၊ ပါးတွေချည်း ချမာ ... "

" ငင့် ... ကိုကိုက စတာလေ !! "

" စတာ .. အတိုင်းအတာတခုထိ စပါလား ... တရား လွန်မလာနဲ့ .. ဒါပဲ နင်နဲ့ငါနဲ့ ၂ ရက်ပြတ်ပြီ "

" ငင့် !!! " (သူပြတ်တာကလည်း တရုတ်ကားလို အပိုင်းနဲ့)
..
..
..
..
..
ကိုလည်း သေရင်သေမှ ဒင်းလည်း မြန်မာကားတွေ ကြည့်တာရပ်မှ

သူပြောတော့ အကောင်း ကိုပြောတော့ လူယုတ်မာကို ဖြစ်လို့

ကို့မှာ မျက်ရည်လေးတွေ လည်ပြီး နှပ်တွေထွက် !!
ဒင်းကတော့ စိတ်ကူးနဲ့ မင်းသားတွေ တယောက်ပြီး တယောက်နဲ့ ညားပြီး ကျေနပ်

မရီနဲ့ !!! ဒါရီစရာ မဟုတ်ဘူး !!

ဝုတ်တယ်

😁😁😁
ခရစ်ဒက်စ်

You May Also Like

0 comments