လိုသလောက်ယူပါ ၊ ရသလောက် မယူပါနဲ့

by - November 25, 2019


တခါက မြေပိုင်ရှင် သူဌေး တယောက်ဟာ သူ့ရဲ့ ပိုင်ဆိုင်တဲ့ မြေတွေထဲက တချို့တဝက်ကို သူ့အိမ်မှာ စာရင်းငှား လုပ်နေသော အလုပ်သမားကို ပေးရန် ဆုံးဖြတ် လိုက်တယ် ။

တနေ့မှာတော့ သူဌေးကြီးဟာ သူ့ရဲ့ အလုပ်သမားကို ခေါ်ပြီး
" မင်းကို ငါမြေတွေ ပေးမယ် ... အဲ့တော့ မင်း လိုသလောက်ယူ
ဒီကနေ မင်းပြေး ... ညနေ ၃ နာရီ ထိုးရင် ပြန်လာခဲ့
အဲ့ဒီအတွင်း မြေတွေကို မင်းကိုပေးမယ်
၃ နာရီထက် နောက်ကျရင်တော့ မင်းမြေတွေ မရတော့ဘူး " လု့ိ ပြောလိုက်တယ် ။

အလုပ်သမားဖြစ်သူ ကလည်း သူဌေး ပြောစကားကို ကြားရတော့ ဝမ်းသာ သွားတယ် ။

မနက် မိုးလင်းတာနဲ့ သူဟာ သူဌေး ပိုင်ဆိုင်တဲ့ မြေပြင်အတိုင်း ပြေးလေတယ် ။ သူဟာ ရလိုစိတ် လောဘတွေ များပြီး မြေတွေ အများကြီး ပိုင်ဆိုင်ရရန် အားသွန် ခွန်စိုက်ပြီး အဝေးကြီးကို ပြေးလေတယ် ။ သူ ပြေးနိုင်သလောက် မြေတွေ ရမည် ဆိုတော့ ပျော်နေတာပေါ့ ။

အသွားမှာ မသိသာပေမယ့် အပြန်လမ်း မှာတော့ သူပြေးလာတာ အတော်လေး ဝေးသွားတယ် ။ လောဘစိတ်ကြောင့် ဘယ်လောက် ဝေးဝေးထိ ပြေးမိမှန်း မသိ အတော်လေးလည်း မောလာတယ် ။

သူဌေးကြီး ကတော့ သူပြန်လာကို စောင့်နေလေတယ် ။ ဒါပေမယ့် သူဟာ ၃ နာရီ မထိုးခင် ရောက်အောင် ပြန်လာခဲ့တယ် ။ သို့သော်လည်း ရောက်ခါနီး ဆဲဆဲမှာပဲ အမော ဆို့ပြီး သေသွား ခဲ့တယ် ။

တကယ်တော့ သူဟာ အလကားရတဲ့ အရာတွေကို မိမိ လိုသလောက်ပဲ မယူပဲ ရသလောက် ယူခဲ့၍သာ ဖြစ်တယ် ။

လူ့လောဘ အတော မသတ်နိုင်ချေ ။

ဒီဘက်ခေတ်မှာလည်း အများကြီး ရှိပါသေးတယ် ။ လောဘစိတ်ကြောင့် အသက်ပါ ပေးဆပ်လိုက်ရတဲ့ လူတွေ ။ လောကကြီးဆီက ယူကြတယ် ၊ မိတ်ဆွေ အပေါင်းသင်းတွေ ဆီက ယူတယ် ၊ ရတဲ့ နေရာကယူတယ် ၊ မယူတတ်တော့ အဆိပ်ဖြစ်တယ် ။ လောဘစိတ်ကြောင့် ကိုယ့်ကိုယ်ကို ပြန်သတ်ခံရတဲ့ လူမဖြစ်ပါစေနဲ့ ......... ။

ဖြိုးသုတ

You May Also Like

0 comments