ဆရာမလေး ပြေးရပြီ

by - October 28, 2019


ဆရာမ မရှိတော့ ... ပွတ်လောရိုက်နေ ကြ၏ ။
မကြာခင်မှာ ... တကျောင်းလုံးက ကြောက်ရသော
မျက်နှာထား တင်းတင်း ဆရာမ အတန်းထဲ ဝင်လာ၏ ။
မီးကိုရေနဲ့ ငြိမ်းလိုက် သလို ... ချက်ချင်း တိတ်ဆိတ် ငြိမ်ကျသွား၏ ။

" ဂွတ်မောနင်း .. တီချာ "

" ဘာလဲ ၊ မင်းတို့က .. ဒါပဲ တတ်သလား ၊
နေ့ခင်း ညနေခင်း တနေ့လုံး .. အတွက် ပါသွားအောင် ... မပြောတတ် ကြတော့ ဘူးလား .. "

ထိုအခါ တပည့်လေးများက ...
" ဂွတ်မောနင်း ... အားဖတားနွန်း ... အီးဗီးနင်း " ဟု ...
ညီညီ ညာညာ ရွတ်ပြလိုက် ကြ၏ ။

" မကောင်းဘူး ... ရှည်တယ် ၊
တနေ့လုံး ပါသွားအောင် အကောင်းဆုံး စဉ်းစားကြ "

ခဏကြာတော့ တပည့်လေးများက ..
" ဂွတ် .. ဟိုးလ်ဒေး တီချာ ... "

" အေး ... အဲဒါ မှန်တယ် ၊ ကဲ စာသင်မယ် ၊
ငါက စကား တလုံး ၊ ဒါမှမဟုတ် ဝါကျ တကြောင်း ရွတ်ပြလိုက်မယ် ၊
မင်းတို့က ဆန့်ကျင်ဘက် ဝါကျကို ပြန်ပြော ရမယ် ၊
ဟုတ်ပြီလား ... ကဲ စပြီ .."

" မြင့်သော "

တပည့်လေးများက မဆိုင်းမတွပင် ..

" နိမ့်သော " ... ဟု ညီညီ ညာညာ ပြောလိုက် ကြသည် ။

ဆရာမက ... " ဖြူ သော "
တပည့်လေးများက ... " မဲသော "

" ကျဉ်းသော "
" ကျယ်သော "

" ဝသော "
" ပိန်သော "

" လိမ်မာသော "
" လိမ်ပျော့သော "

" မဟုတ်ဘူး ၊ မှားတယ် "
" ဟုတ်တယ် ၊ မှန်တယ် "

" ဟာ ၊ မဟုတ်သေး "
" ဟာ၊ ဟုတ်နေပီ "

" အို ၊ ဘုရားရေ "
" အို ၊ မာရ်နတ်ရေ "

" ဟဲ့ ၊ ငါမေးနေတာ မဟုတ်ဘူး "
" ဟဲ့၊ ငါဖြေနေတာ ဟုတ်တယ် "

" အမလေး ၊ သေတော့မှာပဲ "
" အမလေး ၊ ရှင်တော့မှာပဲ "

" ဟေ့ .. ရပ်တော့ "
" ဟေ့ ... စတော့ "

" တော်ပြီ ...သင်တန်း ပြီးပြီ "
" တော်သေးဘူး ... သင်တန်းစပြီ "

" နင်တို့ဟာ ... နင်တို့ ... စစ မစစ ငါသွားပြီ "

တပည့်များက ဆန့်ကျင်ဘက် ဝါကျ စဉ်းစားမရ ခင်မှာ ...
ဆရာမ ခမျာ ... အတန်းအပြင်ဘက် အပြေးလေး ...
ရောက်သွားလေ တော့သတည်း ... !!

Oာိန် .....

😁😁😁

You May Also Like

0 comments